Lituania gjendet në zonën e pyjeve të buta, që ka florën dhe faunën e saj karakteristike. Shumica e pyjeve janë halore, bredh i kuq dhe mështeknë, ndërsa verri, frashëri dhe lisi gjenden në sasi më të vogël. Pyjet zënë thuajse një të tretën e territorit të vendit.
Gjatë vizitës në Lituani ju do të dëgjoni herët a vonë për kastorët; ata janë kafsha më e përhapur në vendin tonë. Kastorët, jashtëzakonisht pjellorë, ndërtojnë digat e shtëpizat e tyre në përrenjtë, liqenet dhe lumenjtë tanë. Ndërsa tani të flasim për lejlekët!
Më shumë
 |
 |
 |
 |
 |
Lituania ka dendësinë më të madhe të lejlekëve në Evropë me 13 000 çifte. Kjo është arsyeja pse Lituania njihet si vendi i lejlekëve dhe lejleku është zogu kombëtar i vendit tonë. Pasi ata rrisin zogjtë e tyre në Lituani, lëvizin drejt jugut përmes të gjithë kontinentit. E gjithë Evropa duhet të jetë mirënjohëse; po tështoheshin gjithë këta lejlekë në vendin tonë, kush do t’ua çonte foshnjat prindërve të rinj evropianë?
 |
 |
 |
 |
 |
Nëse jeni të interesuar për speciet e rrezikuara dhe kafshët e rralla, Lituania ka ende gjedhë të rralla – bizonë të egër evropianë–qëjanë lënë të egër. Në vitin 2010 ishin 60 bizonë që jetonin në gjendje të egër dhe çdo vit tufat e tyre shtohen për të mbushur sërish pyjet tona:
- Numri i përgjithshëm i specieve të bimëve të regjistruara në Lituani është gati 2,000, nga të cilat 16 specie janë zhdukur tashmë;
- Numri i përgjithshëm i gjallesave vertebrore që gjenden në Lituani është mbi 500. Nga këto 70 janëgjitarë, 369 zogj, 100 peshq;
- Numri i përgjithshëm i gjallesave jovertebrore vlerësohet të jetë mbi 200,000. Prej tyre 150,000 janë insekte, rreth 1,200 të familjes së merimangave dhe rreth 170 molusqe;
- Numri i përgjithshëm i specieve të kafshëve dhe bimëve që përmban Libri i Kuq i të Dhënave i Lituanisë(Lietuvos Raudonaja knyga) është768.
 |
 |
 |
 |
 |